Vil ha ei berekraftig satsing
I ei utfordrande koronatid så vel ei rekkje av medlemsbedriftene i Ocean Hyway Cluster og Hub for Ocean å satse berekraftig.
For å vinne anbod blir det stadig viktigare å kunne dokumentere samfunnsansvar og redusere utslepp, melder ei rekkje av dei over 100 medlemsbedriftene i Ocean Hyway Cluster (OHC) og Hub for Ocean (HfO). Gjenreisinga etter koronakrisa kan vere ein god sjanse til å starte på ein ny og grønare utviklingsprosess. 20. og 24. april inviterte OHC og HfO til ein digital workshop om korleis næringslivet kan starte ei slik utvikling.
Berekraftig framtid
Det blir snakka mykje om berekraft og grøn økonomi etter at FN vedtok sine berekraftsmål. Målet med workshopen var å starte prosessen med å utvikle berekraftige forretningsmodellar i OHC og HfO sine medlemsbedrifter.
Workshopen vart leia av dei fremste forskarane på sirkulære og berekraftige forretningsmodellar i Norge, Sveinung Jørgensen and Lars Jacob Tynes Pedersen. Dei har 15 års erfaring med forskingsbasert innovasjon saman med bedrifter i inn- og utland som ønskjer å forene berekraft og lønnsemd.På workshopen fekk næringslivet presentert verktøy som dei kan nytte i overgangen til ein ny forretningsmodell. Diskusjonar i mindre grupper om aktuelle utfordringar og moglegheiter skapte stort engasjement blant deltakarane.
Workshopen gjekk føre seg på den digitale plattformen Zoom.
Startskot
Workshopen var startskotet for ei satsing der Ocean Hyway Cluster og Hub for Ocean jobbar tett i lag med næringslivet for å nytte berekraft som ei konkurransekraft. Bedriftene kjem til å intensivere arbeidet med berekraft i etterkant av workshopen, kjem det fram i ei spørjeundersøking. Fleire bedrifter har allereie tatt kontakt med OHC og HfO for å diskutere konkrete prosjekt som har berekraft i fokus. Det er tydeleg at bedriftene er klar for ei grønn omstilling.
Arrangementet «Digital workshop: Berekraft som konkurransekraft» var sponsa av Norec og INC Gruppen.
Kontaktperson
Stein Kvalsund
Dagleg leiar, i Hub for Ocean og Ocean Hyway Cluster.
Tlf.: 976 98 785
E-post: stein@hubforocean.no
